Description
Additional Information
Għeżież membri tal-aġenzija, se niskopru flimkien ġrajjet il-Pulizija!
Heritage Malta qed tagħmlilkom stedina esklużiva biex nhar is-Sibt 25 ta' Mejju taslu waslu sal-Kwartieri Ġenerali tal-Pulizija fil-Furjana għal dawra unika ma' din il-binja ikonika, inkluż ix-xelter tagħha li kien parti mill-Isptar fi żmien it-Tieni Gwerra Dinjija. Id-dawra tinkludi wkoll interpretazzjoni awdjoviżiva dwar l-istorja tal-Korp tal-Pulizija.
Se jkollkom l-opportunità li ssiru tafu aktar dwar il-proġett kbir tal-Mużew tal-Pulizija - li qed iwaħħad ħidmet il-Korp ma' dik ta' Heritage Malta - permezz ta' filmat 3D u artefatti li se jsibu posthom fil-vetrini tal-mużew ladarba jitlesta.
Il-biljetti huma b’xejn u riservati biss għall-membri ta' Heritage Malta, iżda huwa meħtieġ li terfgħu postkom minn hawnStore - Heritage Malta jew mill-mużewijiet u s-siti kollha ta' Heritage Malta. Dakinhar tal-avveniment se tintalbu turu l-kard tas-sħubija tagħkom f'Heritage Malta.
Dan l-avveniment jibda fl-10.00am u jintemm għall-ħabta tal-11.00am. Niltaqgħu quddiem il-Kwartieri fl-9.45am.
Type | Adult, Senior, Student, Children, Member |
---|