Il-Malti: Il-Mixja sal-Għarfien Uffiċjali

Din il-wirja bl-isem ‘Il-Malti: Il-Mixja sal-Għarfien Uffiċjali’, fil-Mużew Nazzjonali tal-Arkeoloġija, il-Belt Valletta, tagħti ħarsa lejn il-mixja twila tal-ilsien Malti sakemm kiseb l-għarfien uffiċjali, filwaqt li tagħti ġieħ lil dawk li ħadmu biex il-Malti jingħata r-rikonoxximent mistħoqq.

Din il-wirja qed issir b’kollaborazzjoni bejn Heritage Malta u l-Akkademja tal-Malti, li twaqqfet fl-1920 u kienet magħrufa bħala l-Għaqda tal-Kittieba tal-Malti. Il-wirja tibqa’ għaddejja sal-14 ta’ Mejju.

Imqassma fuq għaxar temi, il-wirja tkopri l-istorja tal-ilsien Malti mill-għeruq Semitiċi tiegħu sakemm fl-1964 ġie dikjarat bħala l-ilsien nazzjonali ta’ Malta u fl-2004 bħala wieħed mill-ilsna uffiċjali tal-Unjoni Ewropea.

Permezz ta’ dokumenti, kotba u tabelli bit-tagħrif, il-wirja tlaqqagħna fost oħrajn mal-Kantilena ta’ Pietru Caxaro, il-prietki bil-Malti ta’ Ignazio Saverio Mifsud, il-kitbiet ta’ Agius de Soldanis u Vassalli, l-ewwel gazzetta bil-Malti wara l-libertà tal-istampa tal-1839, il-kwistjoni tal-lingwa, it-twaqqif tal-Għaqda tal-Kittieba tal-Malti, kif ukoll xogħlijiet monumentali bħat-traduzzjoni tal-Bibbja minn Pietru Pawl Saydon u d-dizzjunarju ta’ Ġużè Aquilina

–

This exhibition, entitled ‘Il-Malti: Il-Mixja sal-Għarfien Uffiċjali’, at the National Museum of Archaeology in Valletta gives an account of the Maltese language’s long road towards official recognition and honours those who worked incessantly for Maltese to be duly acknowledged.

The exhibition is the result of a joint effort by Heritage Malta and L-Akkademja tal-Malti, which was founded in 1920 and was originally known as L-Għaqda tal-Kittieba tal-Malti. The exhibition runs until the 14th of May.

The exhibition is spread across ten themes and covers the history of the Maltese language from its Semitic roots until it was declared as Malta’s national language in 1964 and one of the European Union’s official languages in 2004.

Through documents, books and information panels, the exhibition provides insight into Pietro Caxaro’s Kantilena, Ignazio Saverio Mifsud’s sermons in Maltese, works by Agius de Soldanis and Vassalli, the first newspaper in Maltese following freedom of the press in 1839, the language issue, the setting up of L-Għaqda tal-Kittieba tal-Maltin, as well as monumental accomplishments such as the translation of the Bible by Pietru Pawl Saydon and Ġużè Aquilina’s dictionary.