Via Sagra Nazzjonali fil-Forti Sant’Anġlu

Nhar is-Sibt 29 ta’ Marzu qed nistednukom għal esperjenza unika – il-Vija Sagra fil-Forti Sant’Anġlu, immexxija mill-Eċċellenza Tiegħu l-Arċisqof ta’ Malta Charles J. Scicluna.

Dan huwa avveniment straordinarju fejn is-swar, it-toroq, il-mogħdijiet u t-tlajja’ tal-Forti Sant’Anġlu, simbolu nazzjonali, se jservu bħala t-triq tas-salib tal-Mulej.

Din l-attività qed tittella’ mill-Kummissjoni Ġimgħa Kbira u l-Parroċċa tal-Birgu fl-okkażjoni tas-Sena tal-Ġublew tat-Tama, b’kollaborazzjoni mal-Arċidjoċesi ta’ Malta, Heritage Malta u l-Ordni Sovran ta’ San Ġwann.

L-avveniment jibda fis-7:00pm u d-dħul huwa bla ħlas.