Qed jonfoħ mill-Punent! Mawra mal-imtieħen tar-riħ f’Għawdex

Skopri l-istorja tal-imtieħen tad-dqiq li kienu jaħdmu bir-riħ, f’dawra gwidata fejn titgħallem dwar is-sehem ewlieni li kellhom dawn l-imtieħen fl-għajxien tal-komunitajiet Għawdxin.

Nitilqu b’kowċ mill-Port tal-Imġarr fl-9:45 am. Waqt li l-gwida jirrakkontalna l-istorja tat-tħin tad-dqiq f’Għawdex tul is-sekli, ngħaddu minn ħdejn imtieħen privati li jmorru lura sa żmien il-Kavallieri u żmien l-Ingliżi.

L-ewwel waqfa tagħna tkun fix-Xewkija, fejn nesploraw l-eqdem mitħna li għadha wieqfa f’Għawdex. Minn hemm nerħulha lejn ix-Xagħra biex inżuru l-Mitħna ta’ Kola – mitħna tas-seklu 18 fejn għadu ppreservat il-legat tal-aħħar taħħan ta’ Għawdex. Hemmhekk se nitrejqu b’belgħa kafè tradizzjonali, u nduqu togħmiet tipiċi ta’ żmien l-Għid mir-raħal tax-Xagħra.

Għall-ħabta tas-1:15 pm inkunu lura l-Port tal-Imġarr.

Il-biljetti jiswew €15 għall-adulti, għall-anzjani u għall-istudenti, filwaqt li t-tfal u l-membri ta’ Heritage Malta jħallsu biss €10.

Tħallix għall-aħħar biex tixtri l-biljetti! Issibhom hawn Store – Heritage Malta u fi kwalunkwe sit jew mużew ta’ Heritage Malta.

Please note: This event will be held in Maltese only.

Follow Heritage Malta’s WhatsApp Channel to stay informed!

Receive important alerts, including updates about potential event postponements due to unforeseen circumstances.